Einn af þeim stólum sem framleiddir voru af Axel Eyjólfssyni (AXIS) í ágúst 1958, kom í smávægilega viðgerð hjá AXIS á dögunum. Líma þurfti eitt horn á setu og lítur stóllinn mjög vel út í sinni upprunalegu mynd, 57 ára gamall. Á árunum 1950 til 1965 var mikið framleitt af stólum, borðum, borðstofusettum, skenkum og koffortum hjá AXIS. Axel Eyjólfsson stofnaði fyrirtækið á Akranesi árið 1935 og þegar umræddur stóll var framleiddur, þá var fyrirtækið staðsett í Skipholti í Reykjavík en flutti á áttunda áratugnum á Smiðjuveg í Kópavogi.
Hér fyrir neðan eru myndir af stólnum endingargóða.
