AXIS er meðal 1% íslenskra fyrirtækja sem teljast framúrskarandi árið 2012 samkvæmt úttekt Creditinfo á Íslandi. Árin 2010 og 2011 var AXIS einnig meðal framúrskarandi fyrirtækja á Íslandi.
Creditinfo hefur unnið ítarlega greiningu sem sýnir hvaða íslensk fyrirtæki fengu bestu einkunn í styrk- og stöðugleikamati félagsins m.v. ýmsar lykiltölur og breytur.
Af rúmlega 32 þúsund fyrirtækjum sem skráð eru í hlutafélagaskrá sýna 358 fyrirtæki þann styrk í mælingum Creditinfo að verðskulda vottunina „Framúrskarandi fyrirtæki“. Vottun af þessu tagi þekkist víða erlendis en á stærri mörkuðum er algengara að skilyrði vottunar séu ekki eins ströng og ákveðið var að setja hér á landi.
Að mati Creditinfo er mikilvægara á litlum markaði að draga fram styrkleika fyrirtækja sem birtist í stöðugleika í rekstri fremur en niðurstöðum einstakra rekstrarára. Slíkar kröfur eru líklegri til að undanskilja sveiflukenndan árangur stærri eignarhalds og móðurfélaga en undirstrika frekar styrkleika fyrirtækja í virkri starfsemi sem standast ýmsar efnahagssveiflur.
Eftirfarandi upplýsingar eru lagðar til grundvallar á mati Creditinfo um hvort fyrirtæki uppfylli skilyrði styrkleikamatsins:
- að hafa skilað ársreikningum til RSK 2009 til 2011
- minna en 0,5% líkur á alvarlegum vanskilum
- að sýna jákvæðan rekstrarhagnað (EBIT) þrjú ár í röð
- að ársniðurstaða sé jákvæð þrjú ár í röð
- eignir séu 80 milljónir eða meira árin 2009 – 2011
- að eigið fé sé 20% eða meira, rekstrarárin 2009 til 2011
- að vera með skráðan framkvæmdastjóra og stjórnarmenn í hlutafélagaskrá
- að vera virkt fyrirtæki skv. skilgreiningu Creditinfo
Heimild: http://www.creditinfo.is