Vesturbæjarskóli hefur verið stækkaður með viðbyggingu á tveimur hæðum auk gróðurhúss og þakgarðs. AXIS sá um að hólfa niður skólastofur og rými með uppsetningu á kerfisveggjum úr hljóðdempandi e30 gleri og 48dB hljóðdempandi hurðum með eldvörn. Þannig er gætt að hljóðvist í umhverfi nemenda og eldvarnir samkvæmt ströngustu kröfum. Tvöfaldur fals og tvöfaldir felliþröskuldar eru milli nokkurra rýma. AXIS er umboðsaðili DEKO á Íslandi en þaðan koma kerfisveggirnir.
Aðalverktaki viðbyggingarinnar er Munck Íslandi og verkkaupi Reykjavíkurborg.
